(Suomeksi)

Davvisámegillii lea dál jorgaluvvon badjel bealli ontologiija doahpagiin. YSO jorgalanbargu fállá olu vejolašvuođaid ovdamearkka dihte eiseválddiide ja almmolaš doibmiide geavahit ovttalaš terminologiija iežaset bálvalusain suoma-, ruoŧa- ja eaŋgalasgillii ja dál maiddái davvisámegillii. Ulbmilin leage, ahte njealjegielat ontologiija viiddida davvisámegielat doarjaga musea-, arkiiva ja girjerádjosuorgái ja maiddái eará sektoriidda, main YSO lea jo aktiivvalaččat geavahusas materiálaid govvidanbarggus 

 YSO sisdoallá badjel 32 000 doahpaga. Ollisvuođas lea dál jorgaluvvon davvisámegillii badjel bealli dahjege sullii 18 000 doahpaga. Doahpagat gávdnojit Álbmotgirjeráju Finto.fi- bálvalusas. Finto.fi lea guovdilaston bálvalus iešguđet surggiid ovttasdoaibmi sátnerájuide, ontologiijaide ja klassifikašuvnnaide. 

Ontologiija lea jorgaluvvon ovttasbarggus earret eará Sámi Giellagálduin. Bargu vuođđuduvvá nannosit jo ovdal dahkkon sámegielaid sátnerádjobargui ja gáldun leage geavahuvvon Sámi Giellagáldu TermWiki ja Pekka Sammallahti davvisámesuoma sátnegirji. Bargu lea dahkkon oassin Alfred Kordelina vuođđudusa ruhtadan Sámegielaid doarjja digitála bálvalusain -fidnu, mii joatkašuvvá jagi 2024 lohppii. 

Jus du iežat organisašuvnnas ovddiduvvojit sámegielat bálvalusat, mii ávžžuhit váldit oktavuođa. Kánske lea vejolaš hukset barggu seamma vuođu ala! Mis lea álo beroštupmi ovttasbargui.